COVID hripui len hnua kawngsira dawrte neite tanpuina sorkar laipuiin a duan, PM-SVANidhi Scheme hnuaiah Mizoram-ah pung tlem awma loan pek chhuah a ni a, He scheme hnuaia loan hi installmemt chi thum – cheng 10,000, cheng 20,000 leh cheng 50,000 dawn theihna a ni a, he hamthatna mi sang 2 chuangin he hamthatna hi an hawng a ni. Vawiin khan he scheme hnuaia titha te hnenah lawmman hlan a ni a, lawmman hi Performance Recognition for Access to Financial Inclusion and Street Vendors Empowerment (PRAISE) Award tih ni a, UD&PA Minister Pu K Sapdangan lawmman hi semin, Best Performing ULB – Aizawl Municipal Corporation, Best Performing Lending Institutions – Mizoram Rural Bank leh State Bank of India, Best Performing Bank Branches Award-ah Mizoram Rural Branch atangin Champhai Branch, Durtlang, Khatla, Saitual leh Vaivakawn Branch, State Bank of India atangin Aizawl Branch, Dawrpui Branch leh In Touch te hnenah a hlan a ni.
DAY NULM Mission Director Dr. Andrew H. Vanlaldika chuan PM-SVANidhi Scheme chungchang sawifiahin COVID-19 Pandemic laia eizawnna khaihlak, kawngsira dawrkai te eizawnna siamsak niin pawisa pung tlem zawka lending institution atanga dawn theihna a ni a. Loan an lakah hian central sorkar chuan zaa 7 pung a rulhsak a ni. Kumin leh nikum India Republic Day hmanna-ah khan PM- SVANidhi beneficiary te chu India khawpui New Delhi-ah hruai an nih thu a sawi.
Vawiin vek hian PM-SVANidhi hnuaia loan chinchang hre duh tan Loan Camp siam niin Street Vendors loan chungchang inhrilh hriatna hun hman nghal a ni.
