Mizoram Pollution Control Board chuan Krismas lawmna kal mekah hman khat daih plastic leh a tlukpuite hmang lo turin Kohhran tin leh mtin an ngen.
Mizoram Pollution Control Board hotuten kan palai an hrilh danin Mizoram chhung, a bik takin district khawpuiah te kum dangah Krismas leh Kumthar lawmna a thingpui leh a hmeh sem kualna leh ruai thehna chaw thleng atan hman khat daih plastic chu hman a nih thin thu an sawi a.
Hei hian bawlhhlawh tam tak siam belhin bawlhhlawh sangbawl kawngah pawh tawih thei lo a nih avangin bawlhhlawh a let a a tih tam thin thu an sawi a. Kohhran tin leh mi zawng zawng hemi kawnga harh thar a sil fai theih emaw leilung a tawih mai thei no leh chaw ei thleng a tam thei ang ber hmang hram tura an ngen thu an sawi bawk.
