Mizorama Village Council leh Local Council inthlanah vawiin khan Political party hrang hrang hruaituten vote an thlak a, party hrang hrang hotute hian vote an thlak kima ngaih a ni. Chief Minister Pu Lalduhoma chuan an veng Chawlhhmun Polling Station ah a thlak a, chak ngei an inring tih sawiin inthlan sawn hma chuan nghawng lian lutuk a neih a rinloh thu a sawi a, hun chep tak karah State Election Commission inbuatsaihna felfai atih thu sawiin vote thlak pawh an ṭhat a beisei thu sawiin venhimna hna thawktute chungah leh khua leh tui tha an nihzia tilanga vote thlaktu zawng zawng te chungah lawmthu a sawi bawk a ni.
MNF President Pu Zoramthanga chuan Ramhlun Venglai Polling Station ah vote a thlak a, inthlanna felfai tak tluang taka neih anih a beisei thu a sawi a, MNF in seat tam tham tak lak an beisei tih sawiin rorellai ZPM chu hun reilote an sawrkar hnuah mipuiin an rorelna hnuaia kun hrehawm anti tih sawiin opposition lamah awm mahse MNF chuan seat tam tak an lak a ring a ti a, VC term pawt tawia inthlan a ngai chu thil fello a awm tih sawiin hun lo awm zelah sawrkar la awm tur ten VC term tih danglam a hlauhthawnawm tih sawiin nakin zelah thil pawi zawk ala thleng thei tih a sawi.
MPCC President Pu Lal Thanzara chuan Zarkawt Polling Station ah vote thlak in tluang taka vote thlak anih a beisei tih a sawi a, ZPM sawrkar chu an intiam angin an awmlo tih sawiin Congress sawrkar laia ram rohlu alo siam tawh hralh turin hma a la thin a ti a, an intiam anga an awmloh dan hriat a pawimawh a ti.
