Sorkar laipuiah Parliament Budget Session neih mekah Rajya Sabha MP Pu K.Vanlalvena chuan thu sawiin Aizawl khawpui Traffic Jam tih reh nan Flyover bridge siamsak turin sawrkar laipui a ngen.
Rajya Sabha MP chuan Aizawl khawpui chu tlangrama awm a nih avangin kan kawngpui neih sate chu a zau tha tawk lo tih sawiin hei hian traffic jam a siam nasat thu leh sawrkar office kal te, zirlai leh zirtirtu ten a hun takah office leh school an thlen hman loh thin thu te a sawi chhuak a. Hei hian mipui nunphung a tikhaihlak a ni mai lo va, hmasawnna a tibahlah a ni tih thu Pu K. Vanlalvena chuan a sawi bawk.
Sorkar laipui hnuaia Housing and Urban Ministry chuan India ram khawpui tamtakah Flyover bridges an siam tawh a. State hausa zawk khawpuiah te Union Urban Ministry in flyover bridge an siamsak theih chuan State rethei zawk Mizoram khawpui Aizawlah pawh flyover bridge a siamsak ngei chu a beisei thu a sawi.
