May thla Pathianni vawi 2-naa hman thin Nute hriatrengna leh chawimawina hun atana buatsaih ‘Nute Ni’ (Mothers’ Day) chu vawiin khan khawvel hmun dangte rualin Mizoramah pawh Chhandamna Sipai Pawl (The Salvation Army) chuan he ni pual hian hun an hmang.
Mizorama Chhandamna Sipai Pawl Biak in tinah chaw-hma khan Thianghlimna Inkhawm neih a ni a. He inkhawmah hian Pathian thuchah ngaihthlak a nih bakah lawmthu sawina leh kum 2023-24 chhunga Nu, boral tate sûnna hun hman a ni a. Nute hnenah Pangpar hlan a ni bawk. Chhandamna Sipai Pawl te hian ‘Nute Ni’ pual hian zanin inkhawm thleng hun an hmang dawn a ni.
Kum 1920 khan Salvation Army rorelna sang International Management Council chuan an Kohhran tan ‘Nute Ni’ chu High Day- ah a pung a India ramah pawh kum 1920 atang hian‘Nute Ni’ hi hman tan a ni. Kum 1914 May ni 8 khan USA President, Woodrow Wilson-a chuan Nute Ni hi rampuma hman a nih tur thu leh sawrkar building-ah te an ram flag tar turin thupek a chhuah a. Kum tin May thla Pathianni vawi 2-na chu khawvel ram dangte pawhin Nute Ni atan an hmang ve ta a ni.
