Nursing School Lunglei (NSL) chuan vawiin khan 31st batch zirlai tharte lawmna (freshers’ social) leh 28th batch zirlai chhuak turte thlahna (farewell) hun an buatsaih.
NSL Auditorium-a hun buatsaihah hian NSL Choir te’n hawnna hla sain, Tutor Miss Lalthankimi’n hunserh a hmang a. Principal Pi C. Rothangpuii chuan zirlai tharte lawmna thu leh zirlai chhuak turte thlahna thu sawiin, an zirlai leh hna thawhnaah ṭhahnem ngai tak leh rawngbawlna rilru pu-a theih tawp chhuah turin a fuih a. Zirlai tharte aṭangin mahni inhmelhriattirna leh thiam thil entirna ngaihthlak leh thlir ho niin, zirtirtu, thawktu leh zirlaite aṭangin thu sawi ngaihthlak a ni bawk a. Zai leh lam leh chanvo hrang hrang ngaihthlak leh thlir ho niin, tlai lamah chawhlui kil ho a ni bawk.
Nursing School Lunglei hi kum 1995-a din niin, Indian Nursing Council (INC)-in phalna a pek angin kum tin General Nursing & Midwifery (GNM) zirlai 20 lak ṭhin an ni a. GNM hi kum thum zir niin, tun dinhmunah NSL-ah hian 29th, 30th & 31st batch zirlaite an awm mek a ni.
