North East Small Finance Bank (NESFB) chuan Slice nena October ni 27,2024 atanga an thawh dun hnuah nasa takin sum leh pai lama hmasawnna ropui tak a hmu a ni. He thawhdunna hian NESFB-in sum peipunna leh dahthatna a din tawh leh slice-a tunlai thiamna hman tangkai na tur hrang hrang a chhawpchhuak a, hei hian bank-a sum kalphung leh pawisa inbanlet dan a tichak a, a sum thawhtute tan hmalam hun nghet leh nghet tak neih theihna kawng a hawnsak a ni. Capital to Risk-weighted Assets Ratio (CRAR) 23.5% nghet tak neiin, bank hian enchhinna hrang hrang a la lut thei a, hmasawnna a thlen theih bakah hei hian a sum dahtute zingah inrintawkna a siam a ni. Tunah chuan bank hi kalphung mumal tak leh sum peipunna atan a dinhmun tha takah a ding tawh a, a bik takin hmarchhak ramah chuan a net worth chu cheng vaibelchhe ₹920 ah a kai chho tawh a ni. Hetihlai hian Net Non-Performing Assets (NNPA) 4.6%-a a ṭhan chhoh hian asset quality ṭha zawk, hmun hrang hrang atanga hlawkna leh rintawkna ṭha zawk a lantir a ni. Heng sum dah luhna hmun hrang hrangah hian sum leh pai lama hriselna a ṭhat chhoh dan leh hlutna pek chhuah tura a inpekna a tarlang a ni.
Mr. Satish Kumar Kalra, Managing Director & CEO of NESFB chuan dinhmun tihchak chungchang sawiin, “He inzawmna hian NESFB chu sum leh pai lama dinhmun nghet leh hnathawh thatna hun thar a thlen a ni. Kan innghahna bulpui a tihchak tawh avangin hmarchhak lamah pawh kan inzarpharh belh zel dawn a, sum dahkhawl leh peipunna ṭha tak te chu mamawh ber khawtlangte hnenah kan rawn keng tel dawn a ni. Heng kalphung hrang hrang siam thatte hian hmasawnna nghet tak kan neih theihna tura kan inpekna nghet tak a lantir a, he biala hruaitu rintlak kan nihna a tichak bawk”
NESFB chuan mipuite enchhinna tur a tichangtlung a, sum leh pai leh hnathawhna lama tihchhin a te hmachhawn kawngah hma nasa takin a la a ni. Heng inthlak danglamna te hian bank chu hmasawnna kawng inthlak danglam reng karah pawh a chhe thei lo va, a insiamrem theih nan a pui a ni. NESFB thil tum bulpui ber chu thil thar siam tura inpekna nghet tak a ni a, hei hi hmarchhak bial ro hlu hausa tak atanga infuih a ni. Bank thil siam hian eizawnna leh nunphung harsatna tihtawp a tum a, mi hnuaihnung ber hnena thlen a tum a ni. Thiamthil ṭha tak tak hmang hian NESFB hian khawtlanga mipui mimir eizawnna zawng zawnga mipuite chakna pek a tum a, sum leh pai lama zalenna awlsam zawka an neih theihna tur a ni. NESFB sum leh pai lama hriselna leh hnathawh theihna tihchangtlunna hian thawhpui hrang hrang te leh dawrtute chu langtlang leh rintlak taka rawngbawl tura a inpekna a tilang chiang hle. He inzawmna hian he sumdawnna hmun hi India rama tech-first bank thiam ber pawla a lan theihna tur kawng a siamsak a ni.
