Vawiin khan DC conference Hall- ah District Health Society peng Sub-Committee on Non-Communicable Diseases(NCD) member te chuan an chairman leh Addl.DC(P) ni bawk Pu James Miahlung kaihruaina hnuaiah Lunglei district chhunga NCD chungchanga Awareness Campaign leh Screening test beihpui thlak dan tur relin an thu khawm. Mizoram chhungah hian Non- Communicable Diseases ( Inkaichhawn theihloh natna) heng: Cancer, Hypertension, Stroke, Diabetes. etc. te hian nunna hlu tak a suat nasa tawh hle a.
Khawvel pumhuap pawhin NCD hi natna an thihpui tam ber te zing a mi a ni. Lunglei district-ah pawh “Indian Journal of Medical Research” kum 2021 a published in a tarlan danin, thihna thleng zinga 26% chu NCD vang a ni. Hetiang a nih avang hian Lunglei district mipui ten NCD laka nunna hlu tak kan hloh tawh loh nan engtia hmalak tur nge tih relin tahrik ni 26 February khan District Health Society member te an lo thu khawm tawh a ni. Chu meeting thurel bawhzui chuan Sub-Committee din a ni a, tichuan sub-Committee chuan vawiinah hian Awareness Campaign leh NCD Screening Drive beihpui thlak dan tur leh a kaihhnawih thil pawimawh tam tak te sawi hovin,an rel a ni.
Hmalakna pakhat atan ‘Healthy Lunglei Campaign’ hawnna/tlangzarhna programme hi Old Tennis Court-ah tahrik ni 11 March,2024, zinglam dar 7:30 khian hman ni se, a tlangzarhtu tur atan Health Minister sawm ni se, ti a rel a ni a. Kohhran Fellowship hrang hrang kaltlanga hmalak dan tur te, Vantlang mipui zinga hmalak dan tur te, HSS leh College Zirlai te hnena hmalak dan tut e,MUP leh MHIP zinga hmalak dan tur te, Electronic Media kaltlanga ahmalak dan tur te, YMA/Kohhran Thalai member te zinga Fitness/hriselna chungchanga Survey neih dan tur te rel a ni a. Brand Ambassador tur te pawh ruat nghal an ni bawk.
