Health Minister Pi Lalrinpuii’n Zu Khapna dan hman hnuah nikum April thla atanga kumin January inkara zu kaihhnawih natna avanga thi chhinchhiah zat chu mi 438 an ni a ti.
He thu hi Assembly-a ziaka zawhna a chhanna ah sawiin Minister chuan ‘The Mizoram Liquor (Prohibition) Act, 2019 hman anih hnuah zu kaihhnawih natna avanga thi te mumal taka chhinchhiah chu kum 2023 April thla atanga chauh ani a ti a, hemi atanga chhinchhiaha kumin January thleng inkarah zu kaihhnawih natna avanga thi mi 438 zinga 77 chu hmeichhia an ni a ti a, mipa 361 an awm bawk a ni.
Health Minister chuan National AIDS Control Organisation (NACO) in a tihchhuah HIV Estimation 2023 report tarlan danin Mizoramah mi 1000 zela HIV Positive 0.23 awm anga chhut ani a ti a, puitling kum 15 atanga kum 49 inkarte zingah za zela 2.32 kai ang an ni tih sawiin India ramah Mizoram chu a sang ber ani tiin kum 2022 atanga 2023 inkarah cancer vangin mi 374 an thi a ti a, kum 2023 atanga 2024 inkarah TB vei hmuhchuah 2272 a awm tih sawiin TB vanga thi mi 108 an awm a ti bawk.
