Vawiin khan Mizoram Health System Strengthening Project (MHSSP) buatsaihin Ni li chhung (19-22 May-2025) awh tur Primary Health Centre Doctor leh nurse-te tan Puerperal Sepsis leh Neonatal Sepsis Skill workshop chu Civil Hospital Conference Hall-ah tan a ni. Workshop-ah hian Dr. Lily Chhakchhuak, Mission Director NHM leh Project Director, MHSSP ni bawk chuan thusawiin, Skill Workshop chu vawi 4 lo buatsaih tawh thin a nih thu a sawi a. Workshop chu Doctor leh nurse ten CKSI mobile app atanga an zir te a taka an thiam leh zualna tura buatsaih thin a ni tih a sawi a.
Sample Registration (SRS) Report sawrkar laipuiin a tih chhuah thar ber ah chuan kum khat chhunga nu nau chunga thi ram pum chawh rual chu 20 anih laiin Mizoramah chuan mi 9 chauh an ni a, Nausen thi zat chu 4% niin Manipur leh Sikkim nen ram pumah a hniam ber kan ni tih a tarlang a. Hetih mek lai hian tunhnaia nu nau chunga thi zingah sepsis kaihnawih an awm nual thu tarlangin, workshop pawh chumi kaihhnawiha buatsaih a ni tih a sawi a. Workshop chu hlawkthlak taka hmang tur leh midangte zirtir chhawng zel turin kalkhawmte chu a chah nghal bawk a ni.
Workshop atan hian state pawn atangin Dr. Prakash Mehta, Dr. Shreya Kamath leh Dr. Prasanna-te chu BP Bhagwan Mahaveer Jain Hospital, Bengaluru atangin an lo kal a. Ni 19 leh ni 20 hi Doctor te tana buatsaih niin ni 21 leh 22 hi nurse-te tana buatsaih a ni a. Doctor leh nurse nau neihna leh nau pianghlim enkawlna hmuna duty thinte chu sawrkar damdawiin hrang hrang atangin workshop-ah hian an tel a ni.
