Mizoram Assembly Fur thutkhawm, tun thla August ni 20 a tan tur chu ni 2 chauh awh tura ruahman a ni.
Assembly Fur thutkhawm hi tun thla ni 20 a tan turin larsap Pu Hari Babu Kambhampati chuan a kova. Assembly inkhawm hun hman dan tur rela Speaker Pu Lalbiakzama hova Ningani-a legislature party hrang hrang aiawh telna Business Advisory Committee (BAC) thukhawm chuan ni hnih chhung thutkhawm ni se tih an rel a ni. Assembly Secretariat atanga thu dawn danin sorkar lam atanga dan siam tur pakhat chauh a la luh avang leh luh belh tur a awm em tih hriat theih mai a nih loh avangin August ni 20 a tan hi a tuk ni 21-a tihtawp tura rel a ni a. Ngaihtuah tur dang a awm belh chuan inkhawm hi pawhsei theih a nih thu official-te chuan an sawi a ni.
Tuna assembly dinglai hi Mizoram state a nih hnu a assembly 9-na a ni a assembly inkhawm lo awm tur hi a vawi 3-na tur a nih thu official-te chuan an sawi bawk.
