National Highway 54 kawngpui sial hna thawh meka zangnadawmna dawng tawh in la thiat duh lo in pakhat chu vawiin khan thiah sak a ni.
National Highway 54 kawngpui sial hna thawhin an chenna In a sut chhiat dawn avanga zangnadawmna la tawh zingah, a chenna in thiahna tura thupek “Eviction Notice” pek tawh, vawiin thlenga a chenna In la thiat duh lo leh insenghawi duh lo Tawipui ‘S’ khuaa S. Lalnghinga In chu Competent Authority for Land Acquisition (CALA), Lunglei district aiawh Pu K. Lalhlimpuia, Assistant Sattlement Officer leh Executive Magistrate ni bawk hovin vawiin khan thiah sak a ni a.
National Highway 54 kawngpui sial mekin an in a sutchhiat dawn avanga zangnadawmna an lo pek tawh, mahse In la thiat loh leh insaseng duh loh te hi vawi tam, thuneitu ten an in te thiata, insaseng turin a lo hriattir tawh a. Mahse vawiin ni thleng pawh a thupek zawm duh loh an la awm a. Vawin atang hian chutiang mi te lakah chuan thuneitu ten action la tanin naktipah hian Thualthu leh Thaizawl khuaa thupek zawm duh loh te In thiahsak leh an ni leh dawn a ni.
