NGO-Coordination Committee chuan India leh Myanmar ramri hung leh Free Movement Regime tihtawp tum chungchang ngaihtuah nawn leh turin Union Home Minister an ngen.
NGO-Coordination Committee hian Union Home Minister Amit Shah hnenah ziaka an ngenna hi email-a an thawn hnuah vawiin khan Larsap hnenah lehkha hi Home Minister hnena thawnsak turin an thehluht leh bawk a, an lehkha ah hian India ram chu UN Declaration on the Rights of Indigenous Peoples UNDRIP 2007 a hming ziaktu zinga mi a nih angin sorkar chuan heng ramri hrula hnam chi khat awmte ramri hung vanga thenhran an ni tur chu a ngaihtuah an rin laiin, India sorkarin Free Movement Regime tih tawp a tum leh ramri hung a tum chu mak an tih thu an ziak a.
sorkarin hetianga hma a la a nih chuan Zofate inkungkaihna a tihchhiat theih bakah inpawhna thlenga a nghawng theih thu an sawi a, hei vang hian sorkar laipui chu Free Movement Regime tih tawp a tum leh ramri hung tumna chu ngaihtuah dawn leh turin an ngen tih an ziak a ni.
