Sorkar lapuiin India leh Myanmar inrina pin a tum chungchang leh ramri hnaiha chengte inkalpawh theihna Free Movement Regime (FMR) thiah a tum chungchang ngaihtuahin vawiin khan NGO Coordination Committee te chu MZP Office ah an thukhawm. Myanmar ramchhungah Zofa unau thahnem tak an chen avangin ram inrina pin leh inkalpawh theihna thiah tum hi an ni nena kan inauna leh kan inpumkhatna ti chhe thei a nih avangin NGOCC meeting chuan tha a ti lo a.
Mizo hnam thendarh tumnaah a ngaih avangin, FMR hi dan hnuaia siam a nih angin tuna mi ang hian kal pui zel nise, Ramri pin hian ramri a chengte tan nasa taka harsatna a siam dawn avang leh Mizo hnam inpumkhatna khawih chhe thei a nih avangin hemi kawnga hmalakna hi tihtawp a nih theihnan hma lak tha an ti a; Union Home Ministry ah leh Mizoram Sorkarah NGOCC hmingin memorandum thehluh nise an ti.
Hemi bakah hian ramri pin in a nghawng tur State dangte pawh a tul anga thawhpuia sawm nise an ti. Heng bakah hian a tul huna hmalakna tur an ruahmanna nghal bawk.
