Ningani atanga Bawngkawn Presbyterian Kohhran Biak Ina Synod Mission Board buatsaih North East Region Missionary Retreat vawi 5-na chu zanin hian a tiak ang. Retreat Thupui chu ‘Chanchin Tha hril’ tih a ni a. Retreat-ah hian chhun lamah mithiamte thuziah zir ho leh rawngbawl zelna tur atana thil pawimawh hrang hrangte zirho a ni a. Rev. Dr. K. Lalrinkima, ATC leh Upa Dr. C. Lalhrekima, Mission Veng te ziah zirho a ni a. Zan lamah Vantlang Pathian Biak inkhawm buatsaih thin a ni. Ningani zanah Synod Senior Executive Secretary Rev. C. Zorammawia’n Keynote Address a sawi a, Zirtawpni zanah Executive Secretary Rev. V.L. Luaia Hranleh-in thuchah a sawi a. Inrinni chhunah inhlan tharna leh fakna inkhawm buatsaih a ni a, zanah MTC Principal Rev. Dr. C. Lalramchhana’n thuchah a sawi a ni.
Vawiin chawhma inkhawmah Synod Executive Secretary Rev. Dr. K. Lallawmzuala’n thuchah a sawi a, chawhnu-ah Synod Secretary Rev. P.B. Mankima’n thuchah a sawi a, chatuan ram pan ta missionary mi palite sunna hun hman a ni. Zanin hian Mission Board Secretary Rev. R. Lalhmingsanga’n thuchah a sawi ang a, inkhawmpui hi a tiak zui ang. Retreat chhung hian inkhawm ban apiangin zaikhawm hum hman thin a ni bawk.
Tun dinhmunah hianhmarchhak bialah Mission Field pasarih – Barak Area Mission Field, Tripura Mission Field, Karbi Anglong Mission Field, Arunachal & Assam Mission Field East, West, North leh Assam Mission Field te a awm a, missionary 612 an bung mek a ni.
