National Games vawi 38-na neih laiah, nizan khan Mizoram Taekwondo mipa team chuan Poomsae inelnaah Services (SSCB) hnehin Gold medal an hlawh chhuak.
Taekwondo Poomsae hi round tinah Poomsae 2 theuh hmanga inelna neih a ni a. Pre-quarter final hi seeded zawn nan hman nghal a niin Mizoram chu SSCB hnuaiah awmin seeded pahnihna an ni a. Knockout round (Quarterfinal) an in hlangkai a. Quarterfinal-ah Gujarat nen in tum leh in Accuracy leh Presentation-ah te Mizoram chu a chung nung zawk ve ve a. Point 6.732 hmuin Gujarat an hneh a. Semifinal-ah hian Accuracy tha tak Arunachal Pradesh team nen in tumin Mizoram hian point 6.749 an hmu a, point 0.017 chuaha in thlauin Arunachal an hneh zui a ni.
Final-ah hian Services(SSCB) nen an in tum leh a. Service hi 1st Poomsae-ah balance an ti chhiat zawk avangin Mizoram an chungnung a. 2nd Poomsae-a che tha zawk SSCB-in point 6.633 hmu mah se, Mizoram point 6.700 an phak zawh loh avangin Mizoramin Gold medal an la leh ta a ni. Mizoram hian Gold medal 2 leh Bronze medal 1 an lak tak avang hian Ranking 27-naah a in hlangkai chho ta a ni.
