Vawiin khan National Disaster Management Authority (NDMA) Productive Sector Team te chuan ruah leh leimin avanga thlai, leilet leh dil chhiate endikin Serchhip Zawlpuiah Post Disaster Needs Assessment an nei.Productive Sector Team te hian Agriculture, Horticulture leh Fisheries hnuaia chhiatna hrang hrang te a hmunah en a. Field Survey an neih zawh hnu hian Line Department hotute nen Serchhip DC Pu Paul L Khuma kaihhruaiin Serchhip DC Meeting Hall-ah sawihona hun an hmang zui nghal a ni.
He meeting ah hian line department te chu fimkhur leh zual data dik leh rintlak lakkhawm tur te, thlai leh thil dang a tihchhiatte bakah mipui mimir a nghawng dan socio-economic impact te pawh uluk taka zirchianga, la khawm turin an ngen a ni.
National Disaster Management Authority (NDMA) Productive Sector Team ah hian CT Mohan, Consultant (Productive) NDMA leh Pi L. Thungbeni Murry, Consultant (Productive) NDMA te an tel a. Anni bakah hian Serchhip District thuneitute, Agriculture, Horticulture leh Fisheries officer te meering ah hian an tel a ni.
