MZP chuan Mizoram Public Service Commission hnalak danah thil fello awma an hriat avangin tukin dar 9 atang khan MPSC thawktute pisa kai tur an dang. MZP hian MPSC hnalak danah thil fello awma an hriat avangin MPSC Chairman Pu JC Ramthanga chu bang turin an phut a, an phut anga a ban tak loh avangin MPSC thawktute pisa kai tur hi an dang ta a ni.
He hunah hian zirlai tam tak pungkhawmin MZP President Pu H. Lalthianghlima chuan MPSC Chairman Pu JC Ramthanga chu banna a thehluh loh chuan a ai a nasa a hma an lak zui tur a sawi a, an ngenna anga a thehluh loh chuan Mizoram pum huap anga lungawi lohna lantir an tum tih sawiin MPSC Chairman chu kum 2020 kuma hna lak chungchangah pawh diklo takin a ti tawh tih sawiin MPSC kaltlanga Assistant Conservator of Forest hna lak chungchangah pawh thil fel hlel tam tak a awm tih a sawi bawk.
MZP hian tun hnai a Combined Competitive exam buatsaiha mark pek thenkhat thaichhiat leh siamthat awm chungchangah MPSC chairman chu mawhphurhna la a bang turin an lo phut tawh a. Bang tura hun an tiam, Zirtawpni thlenga a la ban loh avangin hemi ni tlai a MZP General Headquarters executive committee thutkhawm hmanhmawh an kohah chuan Thawhtanni atanga MPSC chairman pisa kal tur dan hi an rel ta a ni. Thil fel lo awm ni a an tarlan bakah hian department engemawzata hna lak tur chungchangah felhlel a awm nual niin MZP chuan an puh bawk a ni.
