Mizo Zirlai Pawl – MZP in Central Young Chakma Association hruaitute Mizoram chhunga Chakma hel pawl (PCJSS) te training camp Lunglei leh Mamit district chhung hmun 8 a awmte titawp tura hma la turin a hriattir. MZP hruaitute chuan vawiin khan Borapansury CADC chhung, Lawngtlai District-a Zofate Chawlhbuk a tlawh a. Chawlhbuk leh a chhehvel sam fai niin, Central Young Chakma Association hruaitute nen an inkawmna ah Mizoram chhunga Chakma hel pawl (PCJSS) te training camp Lunglei leh Mamit district chhung hmun 8 a awmte titawp tura hma la turin a hriattir a, Mizoram chhungah Chakma hel training camp awmte a rang thei ang bera an titawp lo a nih chuan MZP-in hma a la dawn a, chumi hmaa CYCA ten hma la turin hrilh an ni.
MZP hruaitute chuan Bangladesh atanga Chakma foreigner dan loa lo lut tam lutuk dang turin CYCA-in hmala turin a hrilh a, Chakma Mizoram chunga awmsate tan pawh thil pawi tak a la nih dawn avangin Chakma illegal Immigrant-te chak taka dang turin CYCA hrilh an ni.
MZP chuan kum 2014 khan Borapansury-ah Zofate Chawlhbuk a sa a, ram venhimna atan leh CADC hi Mizoram chhung ngei a ni tih lantir nana sak niin, Mizo zin veivakte tan a tangkai thin hle a. A ram hi a ṭhenawm ramten a nek a a lan avangin, teh that a ni a. Young Chakma Association Borapansury Zone hruaiten a hmunah an enpui a ni.
