Myanmar buai avanga sahimna zawnga rawn raltlante tan, Lawngtlai bul, Multi Modal kawng sir deuh mai ah Kanaan Refugee Camp chu kum 2021 khan din a ni a, tunah hian chhungkaw 72 awmin, an vaiin mi365 an awm mek, He camp-ah hian hruaitu pasarih awmin chungte chuan camp nunphung leh inrelbawl dan an enkawl thin.
Camp hruaitute zinga pakhat Pu Thi Ming hnen atanga thu dawn danin naupangte chu school kaltir an ni a, puitlingte erawh nitin ei leh bar zawngin kut hnathawkin an inhlawh a thina, hna remchang apiang thawkin an eitur lei nan leh chakkhai dang lam nan an hlawhchhuahte an hmang thin a, chhawmdawlna leh ṭanpuina a khat tawkin sawrkar, pawl leh mimal hnen atanga an dawn ṭhin thu a sawi a. Myanmar ram buai mek a reh hunah an let leh tur thu a sawi.
Kanaan Refugee Camp hi Chandmary Lawngtlai khawtlang enkawlna hnuaiah awmin, a theih anganga vilin, an hnatawhtur te pawh khawtlang hruaituten an ngaihvensakin, damloh leh harsatna dang an tawh chang pawn Chandmary khawtlang chu an tlukluhna ber a ni.Sorkarin a chhinchhiah danin tun dinhmunah Lawngtlai District ah Raltlan 8020 awmmekin, heng zinga 5922 chu Myanmar atanga lut an ni.
