Mizoram Pradesh Youth Congress Committee, MPYCC ten Chief Minister Pu Lalduhoma hnena lehkha an thehluh tuma Mizoram Private Placement Agencies (Regulation) Act, 2015 a felhlel a, a bilh a tho lo ti a a lo sawi chu mak an tih thu leh Private Agency thenkhat hum tumna nia an hriat thu an sawi. Aizawl Press Club-a thuthar lakhawmtute an kawmnaah Congress Thalai hruaitute chuan He dan dikhlel anga a sawi hi a dik lo tiin, Mizoram pawnah Placement Agency ten placement an tih theih ngei a ngai zawk an ti a, hetihlai hian India ram pawn a hnathawk tur thawn chhuak a, placement tih chungchang chu sawrkar laipui thu a ni an ti a.
He danin a tarlanah chuan hmeichhia, kum 18 tling lo hnathawka thawnchhuah khap tlat a ni a. Agency Hmeichhe naupang kum 18 pawh tlinglo Dubai a thawn tute chuan he dan hi an bawhchhe ngei zawk nia an hriat thu leh midang passport hmanga an kaltir lehzel chu dan bawhchhiatna a nih thu an sawi bawk.
Congress thalai hruaitute chuan hmeichhe naupang pahnih, Dubai Jail a thla 7 tangte chungchang sawiin Agency ten dan an bawhchhiat ngei laia Chief Minister Pu Lalduhoma’n tanpui ngaite ngaituah lova, dan bawhchhia a Dubai a thawntute tan zawk anga lang a, an thlavang a hauh ni a sawiin Agency neitu nen inzawmna an nei en tih an zawh thu an sawi a ni.
