Inthlan hun tur hriattirna hi vawiin hian tichhuakin tun thla ni 26 atanga ni 28 chhung hian chuh tumte tan hun hawn a ni anga, ni 29 ah nomination endik a ni anga, a inhnukdawk duh tan March ni 2 thleng hun hawn a ni ang.Puan tawh thin angin, MNF Party term kallai mek hi nikum khan a tawp tawh a, amaherawhchu State Assembly inthlanpui avangin Party inthlanna huaihawt a ni lo a ni.
Hetihlai hian MNF President Pu Zoramthanga, Sr Vice President Pu Tawnluia leh Vice President Pu Vanlalzawma te chuan hruaitu an nihna atanga ban an tum thu an lo sawi tawh a, thangthar zawk te ken an duh thu an sawi a ni. ZPM General Headquarter chu naktuk hian an inthlang dawn a, inthlang tura inbuatsaihna pawh ngawrh taka neih a ni.
Mizoram Pradesh Congress Committee chu tun thla ni 20 hian an inthlang dawn a, President Pu Lalsawta chuan a nihna chawlhsan a tum thu a lo sawi tawh a, kum lamah a upat bakah party a hruai zel naah chakpui loh a hlauh thu sawiin Aizawl khawpui Congress hruaituten tha thlah hauh lova an tan zel chuan an la dingchhuak dawn a ti.
