MNF President Pu Zoramthanga’n Mizo Nationalism kengkawhtu chu MNF an ni a ti a, Pathian leh ram tan tia din annih avangin hniam lai nei mahse an tho kang leh thin a ti. He thu hi vawiina Mizo Hnam Runah Mizo National Day vawi 58-na hmanna hun leh MNF General Hqrs. Elected office Bearers thlan tharte puanchhuahna hunah sawiin Pu Zoramthanga chuan Mizo hnamin zalenna nei tura an beih ṭanna ni an thleng chu a lawmawm takzet a ti a, an hruaitu hmasa ten buaina pumpelh duh hle mahse Sawrkar laipuiin inbiak a duh tawhlo tih sawiin Silai puan chhana mawhphurtu chu India sorkar a nih thu a sawi bawk.
Pu Zoramthanga chuan party hrang hrang chuai lam pan an awm tih sawiin ZPM chu hnatlang party an ni a ti a, an kehdarh hunah a nasa viau dawn tih sawiin MNF erawh kum 60 chhung hun harsa paltlang tawh anni a ti a, an thochhuak leh ngei dawn tih a sawi.
Vawiina khan MNF Party hruaitu atana nomination pe lut te chu chuhtu awm lova tlinga puan an ni a, President atan Pu Zoramthanga, Sr Vice President ah Dr R Lalthangliana, Vice President ah Pu Vanlalzawma leh Pu Lalchhamdama Ralte bakah Treasurer Pu Lalruatkima te chu chuhtu awm lova tlinga puan an ni.
