Chief Minister Pu Lalduhoma kaihhruaiin vawiin khan Mizorama thar chhuah buhhum lei khawm chungchang sawiho a ni.
Vawiina thutkhawmah hian Supply Minister Pu B. Lalchhanzova chuan sawrkarin buhfai lei leh hralh a kalpui thin dan chu tihdanglam hlek an tum a ti a. Model Code of Conduct hlih a nih hunah a taka kalpui tan an tum dawn tih sawiin an kalphung thar turah kumtin sawrkar sum cheng vbch 70 vel hum theih an beisei tih a sawi.
Thutkhawmah hian Minimum Support Price pea Mizoram loneitute tharchhuah buh hum man man taka leisak chungchang sawi a ni a, hemi kaihhnawih buh thar chhuah tihpun dan tur leh a chingtu tur thlan a, a chi inang chin a tul dan leh leikhawm bakah a herna leh a phurh kual dan thlengin sawiho a ni a, Tripura leh Assam sawrkarin hetiang an kalpui dan report zirchiangtute hnen atangin ngaihthlak niin Chipchiar zawka lo zirchiang tur team Supply Minister kaihhruaina hnuaiah din nghal a ni bawk.
