Vawiin khan Mizoram State Project Monitoring Commitee ( MSPMC) – chuan Solid Wasteangement Centre, Lawngtlai chu a hmunah kalin hnathawh mekte an enfiah.
Mizoram State Project Monitoring Commitee (MSPMC) – team hian hna tha leh ringtlak ni turin dan ang thlapa thawh a pawimawh hle an ti a. MSPMC, Inspection Team – te hian Wet Waste Composting Centre, Dry Waste Composting Centre, Site Office cum Staff quarters, Sanitary Landfill leh a dangte a hnathawh mek chu endikin, thawktute nen sawihona an nei a. Hmanrua hmante a that tawk leh tawk lohte khawl hmangin an endik bawk a ni.MSPMC Inspection Team – te hian Mizoram sawrkar hnenah report an thehlut leh dawn a ni.
Mizoram State Project Monitoring Commitee- hi Er. Sanghrima Chongthu chuan hoin, MSPMC atangin Member- Er. R. Romawia, Pu B. Lalkhawngaihzuala, leh Er. Remlalmuanpuia, PA to Chairman, MSPMC – ten an tel thei a ni.
Solid Waste Management Centre,Lawngtlai hi Urban Development & Poverty Alleviation (UDPA) hnuaia sak niin, cheng 6,97,70,000 senga sak tur a ni a. Hnathawh hi kum 2024, October- khan tan a ni a, kum hnih chhunga zawh fel tura ruahman a ni. Solid Waste Management System, ah hian – Wet Waste Composting Centre, Dry Waste Composting Centre, Site Office cum Staff quarters, Sanitary Landfill leh a dangte a awm dawn a. Solid Waste Management System, Lawngtlai hi KMMTP kawngpui Phaikhangmual a awm niin, a sak hna thawktu hi Lalfamkima, Aizawl a ni.
