Chief Minister Pu Lalduhoma hovin Mizoram State Policy Coordination Committee te chu nimin khan Chief Ministers Conference Hall ah an thukhawm a, thlai thar lei tur pahnihte Collection Centre tur an ruat fel. Hmunphiah hi Policy in a lo sawi tawh angin collection centre-ah Grade A cheng 100 leh Grade B cheng 80 tea lei tur a ni a. Collection Centre hi hmun thum- Saipum, Vairengte leh Bairabiah a awm ang a. Hmuhphiah dahkhawmna tur Warehouse hi hmun hrang hrangah sak tum mek a ni bawk.
Sawhthing hi Collection Centre-ah bawk cheng 50 aia tlem lova leisak tur a ni a. Collection Centre hi Bairabi leh Sairangah te an awm ang. Sawhthing hi open market-a kalpui tur a ni a, Open market buyer an awm loh palh theih avangin a invenna atan he ruahmanna hi siam a ni.
Collection centre te hi chak taka umzui ni se an ti. Thlai thar palite lei chungchang Data mumal tak vawn a tul avangin Data Entry Centre dahna tur pawh an rel fel nghal a ni.
