Chief Minister Pu Lalduhoma hoin vawiin khan Mizoram State Board for Wildlife chu a vawi 11 nan an thukhawm. CM Conference Hall-a hun hmanah hian, ramsaten mihring ranvulh an tih hlum palha zângnadawmna pek tur sum, AH & Vety Department-in an bithliah chu pawm a ni a. A taka kalpui theih tura lo bawhzui turin AH & Vety chu mawhphurhna pek a ni.
Mizorama a hmasa ber atan Kawnpui khaw hlui tlang, Kawnpui khawtlangin kum tam tak an lo humhalh tawh, Zotlang Ngaw, ram Hectare 620 a zau chu section 36 (c) of Wildlife (Protection) Act, 1972 dan anga Community Reserve a puan remtih a ni a, hei bakah hian Pukzing to Silsury kawngpui zauhna atana wildlife clearance pek a pawm a. National Board for Wildlife-ah recommend a ni ang.
Meeting-ah hian Pu Lalduhawma bakah Forest Minister Pu Lalthansanga, Adviser to CM Pu TBC Lalvenchhunga, MLA Pu T. Lalhlimpuia te an tel a, Thorangtlang Wildlife Sanctuary huam chhunga awm Dampui khua sawn chhuah (relocation) kal zelah zângnadawmna la dawng ve lo chhungkaw paruk te hnenah a rang lama zângnadawmna pek ni se, an ti bawk.
