Pu Zodintluanga chuan MPCC President atan nomination hi thehlutin, Vice President atan Pu Ngunlianchunga leh Treasurer atan Pu Lalrindika Ralte ten nomination hi an file a. Pu Zodintluanga chuan, Congress party tih nun leh a ngai tih sawiin, Thingtlanga a party mi leh sa te, party a ti phúr leh turin Party inthlanah hruaitu nihna an chuh tih a sawi a. Kum 2028 inthlanpui lo thlen meuh chuan Congress hi a sorkar leh ngei theih nan inpuahchah an tum tih a sawi.
Thuthar lakhawmtute zawhna chhangin Pu Zodintluanga chuan ama hoa nomination file te chu congress party ziding diktak an nih thu sawiin; an party kalphungah a hniam ber atanga, a sang ber thlenga nihna neite committee neia inrawnkhawmna neia hmala zel tur annih thu a sawi a.
Mipui rorelna kalphungah mimal ngaihdan emaw, mi pahnih khat ngaihdan emaw a party kalpui chu a himlo tih sawiin; mipui aiawh tura an mawhphurhna te chu mi tam zawk ngaihdan lakhawma kal zel an tum tih a sawi bawk a ni. MPCC hruaitu inthlanna hi February ni 20 ah neih ani dawn a, official nomination awmsa an awma, heti hian kil hnih atangin inthlanna hi chuh tum an awm dawn a ni.
