Police Observer Pu K. Satyanarayana, Expenditure observers Pu Arvind Sharma leh Pi Anita Rinesh te chuan Dr. Hari Babu Kambhampati chu Raj Bhavan-ah an hmu.
Pu K. Satyanarayana chuan Lok Sabha Inthlanpui 2024 lo awm tura an inbuatsaihnate chu Governor a hrilh a. Governor chuan Lok Sabha MP inthlan lo awm turah hian Mizoramin inthlan hmasaa an lo neih thin anga inthlanna felfai leh thianghlim tak an neih leh theih ngei a beisei thu observer-te a hrilh. Governor chuan Mizoram People’s Forum chu inthlan felfai leh thianghlim tak an neih theihna atana mawhphurtu pawimawh tak a ni tih sawiin, mipuite pawhin dan leh thupekte an ngai pawimawhin an zawm tha thin hle tih a sawi bawk.
Governor leh Observers-te hian Lok Sabha Inthlanpui kaihhnawih thil pawimawh dangte an sawiho bawk a ni.
