Vawiin khan Mizoram Lokayukta buatsaihin I&PR Conference Hall Kolasibah Lokayukta Awareness Program hman a ni a. He hunah hian Pu Joel Joseph Denga, Hon’ble Member(Judicial) Mizoram Lokayukta chuan zirtirna a pe a, Kolasib Deputy Comissioner Pu Robert C Lalhmangaia te, Pu David H Lalthangliana, Kolasib SP te leh sawrkar Office hrang hrang leh tlawmngaipawl aiawhte he hunah hian an tel a ni. Vawiin Lokayukta awareness Program hi Pu Robert C Lalhmangaiha, Kolasib DC chuan kaihruaiin he huna kalkhawmte lawmna thu a sawi a. Mizoram Lokayukta pawimawhna sawiin, corruption dona kawnga sawrkarin Body pawimawh tak a din a ni, tiin an hnathawh dan leh an pawimawhna te chu sawrkar hnathawkten kan hriat a pawimawh takzet a ni, a ti. Kalkhawmte chu eiruk hlemhletna laka fihlim tura chah in vawiina zirtirna pawh uluk taka ngaithla turin a chah bawk. Pu Joel Joseph Denga, Hon’ble Member, Mizoram Lokayukta chuan thu sawiin, Mizoram chu India rama corruption tlemna ber pahnihna a ni, a ti a. Amaherawhchu hemi ni chung hian document leh record a tarlan kher loh kan ramah eirukna lamah fihlim lohna tamtak inphum ru a awm a ni, a ti. Corruption chu mihring ze nghet lo leh anmahni chhungril a intan a ni tiin, corruption do tur chuan keimahni kan insiam dik hmasak angai a ni, a ti.
Sawrkar in hmasawnna ruhrel tur atana hnathawhna tur pawisa tamtak a sanction thin a, chungte chu mimal ngaih pawimawh zawngah hman mai tur a ni lova, pawisa lokal te chu a nihna tur diktak a hman tur a ni, a ti.Mizoram hmasawnna tamtak ti thuanawp tu chu kan duhamna a nih thin thu sawiin, pass diklo pekchhuah te, contract a nihna ang tur taka thawh loh te, sawrkar sum leh bungrua hman khawlohte kan ramah a hluar thin chu pawi a tih thu sawiin, corrupt kanni tih pawh inhriat tawhloh chen a ngaia neih khawpa corruption a awm thei a ni tiin; chutah tak chuan mahni kan chian a , Pathian hmaa dinpui tlaka kan hnate thianghlim taka kan thawh a pawimawh a ni,a ti.
Vawiin a Lokayukta awareness program hi first leh second session a then a ni a. Kolasib DC in awareness hi kaihruaiin, Pu R Laltharliana, Assistant Public Prosecutor,Mizoram Lok Ayukta in inlawmna thu a sawi a, Pu David A Lalhmingchhuana,DIPRO Kolasib in inhmelhriattirna hun a hmang bawk. He Awareness program ahhian Kolasiba Sawrkar Department hrang hrang aiawhte kalkhawmin, Sub Hqrs YMA, MJA(kolasib),MHIP,MUP aiawhte leh Prominent Citizen te an kalkhawm a ni.
