Mizoram Legislative Assembly pakua-na thutkhawm vawi 3-na chu nimin khan bultan a ni a, Session tawp ni ah hian zawhna pahnih chhan hman niin Sawrkar bill leh paper bakah report hrang hrang pharh a ni. Speaker Pu Lalbiakzama sawi danin tun session chhungah hian chhan nghal chi zawhna (starred question) lut 273 atangin 263 pawm a nih thu leh ziaka chhan chi (unstarred question) 17 lut te pawm vek a ni a ti a,
Report tur pawimawh 10 report a nih thu leh sorkar lehkha pawimawh House dawhkana pharh 13 a awm thu leh official reslution pakhat a awm thu leh sawiho a nih hnua pawm a nih thu a sawi a. Govt. bill 5 te sawiho a nih hnua pawm vek a nih thu Speaker chuan a sawi bawk.
Tuntum thutkhawm atana zawhna lut zingah Deptt. 4-in zawhna 7 an chhang lova, Deptt. pakhat chuan an chhan tura zawhna lut pathum te an chhang lo vek tih Speaker chuan sawiin, zawhna chhan kawngah Deptt. te tan la turin a chah a, Member te hriattur tul te a sawi zawh hnu ah Speaker Pu Lalbiakzama chuan Mizoram State Legislative Assembly 9-na thutkhawm vawithumna chu tiamchin awm lovin a titawp ta a ni.
