Swachhata Hi Seva puala faina beihpui kalpui mekah sawrkar pisa leh zirna in hrang hrangah Faina hnatlang neih mek a ni a, Vawiin khan District hrang hrangah pawl leh sawrkar department hrang hrangin an pisa leh a chhehvel ti faiin an hnatlang.
Swachhata Hi Seva hnuaiah hian Mizoram pum huapin Faina kawnga hmalakna tur hrang hrang 2052 khawpui leh thingtlangah te ruahman a ni a. Cleanliness Target Units bawlhhlawh chhek khawm tam zualna 398 thlanchhuah niin, heng zinga 262 hi tihfai tawh a ni. Swachhata Hi Seva Campaign hi September ni 17 atanga kalpui tan niin, October ni 2 a khar tur a ni. Faina Hapta hi September ni 23-a tan niin, October ni 2-ah a kharna hun District zawng zawngah hman a ni ang.
India Hnampa Mahatma Gandhi pian champha leh Swachh Bharat Mission kum 10 tlin lawmna pualin October ni 2 hi Swachhta Diwas (Faina Ni) atan hman tur a ni a. Aizawl-ah a lawmna pui ber hi UD&PA Department leh PHED tangkawpin an buatsaih dawn a ni. Swachhata Hi Seva Campaign chhunga inelna hrang hrang buatsaih lawmman semna neih a ni nghal dawn a ni.
