Mizoram Governor thar tur Governor-Designate Gen. (Dr.) Vijay Kumar Singh, PVSM, AVSM, YSM (Retd.) chuan Mizoram Governor hna thar zawm tura Mizoram a pan hmain vawiin chawhma khan Kamakhya Temple, Guwahati a tlawh.
Mizoram Governor thar tur hian Maa Kamakhya hnenah tawngtaina hlanin inpekna, rinawmna leh inngaihtlawmna nena Mizoram mipuite rawng a bawl sak theih nan malsawmna a dil a. Hemi hnu hian Mizoram rawn panin vawiin chawhnu dar 2:00 ah Lengpui Airport a rawn thleng ang.
Ruahman dan chuan naktuk January ni 16, 2025 chawhma dar 11:00 hian Raj Bhavan Circular Lawn-ah Governor-Designate Gen. (Dr.) Vijay Kumar Singh, PVSM, AVSM, YSM (Retd.) chu Mizoram Governor 25-na ni tura lakluh a ni ang.
