Mizoram Excise & Narcotics Department chuan Zirtawpni khan Tuidam khua, YMA Run bulah Heroin gram 763 (Hawng 66) leh a neitu nia puh Assam lam mi 2 – Abdul Mazid (24) leh Majibur Rahman (24) nia inchhalte an man.
Anni pahnih hnen atang hian heroin phurhna atana lirthei an hman, Mahindra Bolero (ZLX Model) (Registration No. MZ07/0678) pawh man nghal a ni. Heng heroin man te hi state pawna tihral tum lai mek a ni.
Ruihhlo vanga mante hi The Narcotic Drugs & Psychotropic Substances Act, 1985 tlawhchhanin thubuai siamsak an ni a, Court-ah hruai nghal an ni.
