Vawiin khan Mizoram DGP Pu Anil Shukla chuan Mamit District Executive Force (DEF) Superintendent of Police Office tlawhin SP Conference Hall ah Mamit DEF, MPRO leh F&ES Staff te nen inkawmhona a neihpui. Pu Anil Shukla chuan Mamit DEF, MPRO leh F&EF Staff te chu rinawmna leh taimakna nena theihtawpa mahni hna theuh hlen turin a fuih a ni.
DGP Mizoram chuan SP Office kawta Garage sak thar a hawn bakah Mamit Police Station leh Emergency Response Support System(ERSS) Center te tlawh in he mi zawh hian 4th IR Bn, Luangpawl a tlawh nghal bawk a ni.
Inkawmhona programme ah hian Pi Lalthangpuii Pulamte, SP Mamit chuan Powerpoint presentation pe in Mamit District chhung a security thil ah inbuatsaihna an neih dan entir in Pu Lalpianthanga, Addl. SP Mamit in inkawmhona hi a kaihruai a ni.
