‘Mizoram Cleanliness Competition 2023’ in elna a District Category- bikah Siaha District-in Pathumna dinhmun a hauh chu ropui taka lawm tum a ni a. Pu Lalhmunsanga Hnamte, District Bawrhsap kaihruaiin vawiin chawhnu khan DC Mini Conference Room- ah line department- te a lawm dan tur relin an thukhawm.
Pu Lalhmunsanga Hnamte chuan Siaha District- in Mizoram District hrang hrangte Faina lama in elna neih zawh tak a dinhmun tha tak a hauh thei chu lawmawm tiin, sawrkar Deparment hrang hrangte leh Siaha mipuite thawhrimna rah a ni, a ti. Siaha District chhunga Tlawmngaipawl, Kohhran leh mitin inpekna a ni a, tun dinhmun aia sang zawng kan thleng thei a ni tiin hma lam hunah tun aia nasa zawka tan la zel turin Siaha mipuite, Kohhran, NGO leh sawrkar hnathawkte a sawm nghal bawk.
Vawiin thutkhawmah hian Mizoram Cleanliness Competition 2023′- a Siaha District-in District Category- bika Pathumna dinhmun a hauh chu ropui leh changtluk taka lawm nise an ti a , a lawm dan tur relhona neih niin thingpui inhona neih nghal a ni.
