Mizoramah Zoram Peoples Movement ZPM sorkar a din hnuah Chief Minister Lalduhoma, Finance Minister ni bawk chuan a vawi khat nan tun thla ni 27 khian 2024-25 Mizoram budget a pharh dawn. Mizoram State Legilative Assembly session hi tun thla ni 19 khian Governor Dr Hari Babu Kambhampati an a ko a, session a tih tur hrang hrang te Speaker kaihhruai Business Advisory Committee (BAC) chuan a duang a, Mizoram budget hi ni 27 ah pharh a ni ang.
Pu Lalduhoma hian sorkar kum kal meka sum indaihlohna phuhrukna tur Supplementary Demands for the current financial year a pharh nghal bawk ang.
Budget session ah Finance Minister Pu Lalduhoma hian an party au hla Kalphung Thar chungchang leh state sum leh pai dinhmun siamthat na tura ‘Bana – Kaih’ policy chungchang a hmalakna leh hmalakna tur te a sawichhuah beisei a ni.
