Sava vang leh hlu Vangá chu Thaltlang khaw ram chhung, Phawngpui National Park nena in ri na ah a thla lak fuh a ni a, Mizoramah Vangá ala awm ngei a ni tih a tih chian mai bakah kum 10 hnu ah Vanga hi Mizoram ah anla awm ngei tih finfiahna chiang taka neih theih awmchhun a ni.
Vanga hi Blyth’s Tragopan Tragopan blythii a ni a, Conservation Mizoram ten April ni 7 khan Mizorama sava zirchianna an kalpui mek laiin a thla hi an la fuh a, Conservation Mizoram President Pu Rochamliana chuan he sava thla la tur hian kum 2001 vel atang tawh khan an mahni sum leh tha seng in hma anlo lak tawh thu a sawi a, tun tuma he sava thla an la fuh hi an lawm hle a ni a ti.
Vangá hi Nagaland State Bird a ni a, International Union for Conservation of Nature (IUCN) leh BirdLife International te chuan mang mai hlauhawm hnai tawh ‘Vulnerable’ category ah an dah a. An chenna ram chereu zel vang te, an sa, ei atana pèl ṭhin an awm avang te in tlem lam an pan zel nia hriat a nih avangin mitin ten Vangá mai nilo Mizoram chhunga nungchate leh an chenna hmun te humhalh a, vawnhim chungchangah nasa zawka ṭan la turin Conservation Mizoram te chuan Mizoram mipui an chah a ni.
