Tourism Minister Pi Lalrinpuii’n Chaltlang Tourist Lodge chu 5 star hotel a nih theihna turin midang kuta hlan, outsource an tum tih a sawi. Vawiina Aizawl Press Club-a chanchinbumite a kawmnaah he thu hi sawiin Minister chuan khualzinte tana hmasawnna ruhrel tha nei turin nasa taka hma an lak thu a sawi a.
Mizoramin 5 star hotel a nei lo chu a veiawm tih sawiin Plenary, meeting leh business summit liantham dawng turin state in hmunhma a nei lo chu a buaithlak thu a sawiin hotel lian tak tak ten Mizorama 5 star hotel din an duh thu leh an ni atanga offer an hmuh thu a sawi a. Chaltlang Tourist Lodge chu 5 star hotel a nih theihnan outsource mai turin hma an la ta tih a sawi a ni.
Minister chuan hemi atan hian tihtur ang angte an tifel nual tawh a ti a, an hmanraw neihsa a hlutna hriatchian a ngaih avangin Assets Valuation hna thawk turin PWD department ngen an nih thu sawiin an niin a hlutna chhut hna an zawh hunah a hna thawh a dil theih a ni tih mipui hnena puanzarna, Expression of Interest an chhuah mai theia a beisei thu a sawi a, an sorkar chhung ngeia 5 star hotel neih theih a in beisei thu a sawi a ni.
