Chief Minister Pu Lalduhoma chuan Defence Minister Rajnath Singh hnena Mizo hlang awmna Mizo Territorial Battalion din an dil chu sorkar laipui-in a bawhzui dawn a ni a ti.
He thu hi nimin tlai a CM Conference Hall-a chanchinbumite a kawmna-ah sawiin Chief Minister chuan Delhi a zin hmasak lamah Defence Ministry ah Scouts battalion din an dil thu a sawi a. Sawrkar laipuia thuneitute nen an sawi tlanna-ah Scouts Battalion chu China ramri-a duty tur an nih avangin territorial army dil zawk turin an thurawn an pe tih sawiin Pu Lalduhoma chuan tun tuma Delhi a zinna ah Defence Minister Rajnath Singh hnenah a thlen leh thu a sawi a. Rajnath Sing chuan Mizo territorial army, Mizo hlang awmna din tura rawtna hi Cabinet Committee on Security thutkhawm leh hmasa berah putluh a tum thu a hrilh niin a sawi.
Pu Lalduhoma chuan an dil mek Mizo Territorial Army Battalion home and heart hi din a nih chuan Mizoram ramri-a duty tur leh Mizoram pawna tirhchhuah loh tur chi an ni tih a sawi bawk.
