Vawiin chawhnu khan Agriculture Minister Pu PC Vanlalruata, Tuikum bialtu MLA chuan Khuangchawi Thla Vangpui Chhuanthar Futsal Hunpui a hawng. Hawnna inkhawmah hian khuallian chuan infiamna hunpui leh hmunhma buatsaihtute an fakawm a tih thu a sawi a. Kum thara Tournament neih leh hunah chuan Artificial Grass ah ngei an khelh theih tawh a beisei thu a sawi. Infiamna hi taksa hrisel nan mai nilo, rilru hrisel nan te pawh a tangkai a.
Infiammite chuan hlawhtling turin mahni inthunun (discipline) neih that te, taimak leh teirei peihna te, thahnemngaihna leh tumruhna nena theihtawp chhuah a tul a ni, Minister chuan a ti. Khuangchawi Thla Vangpui Chhuanthar Futsal tournament a tel zawng zawng te Pu PC Vanlalruata chuan duhsakna a hlan a, rilru thianghlim tak nen hlawk taka hmang turin a chah a.
Tournament chhunga an hman atan Minister Pu PC Vanlalruata chuan Futsal Ball 5 leh cheng nuai khat a hlan nghal a ni. Hawnna inkhawm hi Pu R. Ramnghaka, President Tlangnuam Sporting Club chuan a kaihruai a. Thusawi bakah zaithiam zai engemawzat ngaihthlak a ni.
