Nimin khan Pu Lalnghinglova Hmar, Minister of State, Tourism/ Sports & Youth Services Department chuan Tuirial Airfield hmun hlui a tlawh a, S&YS Department, National Cadet Corps, Mizoram State Sports Council leh Tourism Department lam aiawhte nen ṭangkai zawka hman dan tur an thlirho.Sports Minister ho hian Tuirial Airfield-a Tourism Department hmun hlui ram tawhte chu hman tangkai dan tur enho a ni a. Mizoram thalaite tana tangkai tak tur NCC Academy din nan hman a nih theih leh theih loh te thlirhoin, ruahmanna siam ngai te an siam a ni.
Tuirial Airfield hmun hlui chu NCC Academy mai ni lo, NCC Air Wing-te tana thlawhtheihna khalh zirna (special flying training) atan hman theih a nih leh nih loh te, tunlai khawvel mamawh drone technology zirna hmuna siam theih a nih leh nih lohte an enho nghal a ni. Sports hmunhma atana hman ṭangkai theih chin a awm leh awm lohte thlirho nghal a ni bawk.
Tourism Minister ni bawk Pu Lalnghinglova Hmar ho hian Tuirial Airfield hmun hlui chu Tourism kaihhnawih event lian thlen theihna tura buatsaih dan te an thlirho nghal bawk a ni.Tuirial Airfield tlawhnaah hian Minister hi Pu C. Lalremsanga, Jt. Director, S&YS Department, Pu Lalrinsanga, Wing Commander (Commanding Officer, 1 Mizo Air Squadron NCC) te bakah Mizoram State Sports Council-a Engineer te leh Tourism Department aiawhte’n an tawiawm a ni.
