Mizoram Board of School Education chuan vawiin khan High School Leaving Certificate (HSLC) exam hun a tichhuak a, nakum February ni 12 atangin exam tan a ni ang.
Mizoram Board of School Education thuchhuah tarlan danin nakum February ni 12 ah practical in bultan a ni dawn a, February ni 19 atangin Theory examin Mizo leh tawng dang subject exam a ni dawn a, February ni 25 ah English subject exam in February ni 28 ah Science subject an exam dawn a, March ni 5 ah Social Science exam in March ni 11 ah Mathematics an exam ang a, March ni 13 ah Home Science (Theory) Civics & Economics leh Commercial Studies te an exam leh dawn a ni.
HSLC exam hnuhnung ber kumin khan exam beitu zirlai 18,561 niin zirlai 13,618 in an pass-a. Heng zingah hian Distinction-a pass mi 1,332, I Division-a pass mi 3,801, II Division-a pass mi 5,564 leh III Division-a pass 2,921 an awm a, HSLC exam hnuhnung berah hian exam pass hmeichhia 7181 awmin mipa 6437 an awm bawk.
