Gujarat hmasawnna turin Marwadi University chuan hun ropui tak Vibrant Gujarat Regional Conferences (VGRC) chu a huaihawt dawn a, hei hi Gujarat sawrkar nena buatsaih tur niin he conference hi kum 2026 January ni 11 leh ni 12 a neih tur a ni.
Saurashtra chauh ni lovin Gujarat state pumpui chu zirna lama khawvel huapa hmingthang tura hruai tumna nen he hmalakna hi a inzawm a, university hian Education Department, Government of Gujarat hnenah inremna tura thawhhona MoU atan cheng vaibelchhe 1000 a thehlut a ni. Sum peipunna ruahman hian state chhunga kutthemthiamna tihhmasawnna atan a pui dawn a, laboratory, academic block thar, infiamna hmun changkang tak tak, leh hostel tha tak te pawh a tel dawn a ni. Hei bakah hian thil siamchhuah leh bultan mek te tan square feet 10,000-a zau centre bik din a ni ang a, heng bakah hian, hnathawk mithiam leh mahni kutkawiha eizawng-te tana zirna chhunzawm zelna tur academic block hran siam a ni bawk ang.
Thupui “Vocal for Local” tih thupui hmangin VGRC hi Gujarat zone pali — North, Saurashtra-Kutch, South, leh Central Gujarat-ah buatsaih a ni ang. He hunah hian Japan, South Korea, Vietnam, leh Netherlands te bakah JETRO, ICBC, USISPF, World Bank, leh Russian Federation te ang pawl hrang hrangte pawhin khawvel pum huapa telna an nei dawn bawk.
He hmalakna leh hmasawnna ropui tak chungchang sawiin, DhruvMarwadi, Trustee, Marwadi University chuan, “Kutch–Saurashtra bial tana Vibrant Gujarat Regional Conferences kan buatsaih hi kan tan chuan chhuanawm tak a ni. Thilsiam chhuah hrang hranf leh kutthemthiam tihhmasawnnaa zung kai zirna kan nih angin tualchhung dawr, bultan mek te leh sorkar inkara thawhhona tichaktu platform kan siam hi kan chhuang hle a, khawvel pum huapa investor-te kan tum a ni.
R.B. Jadeja, Provost, Marwadi University chuan, “Gujarat hmasawnna leh Viksit Bharat@2047 hmathlir lian zawka kan thawhhlawk hi kan chhuang hle a ni. VGRC hian tualchhung theihna leh khawvel pum huap hmasawnna inzawmkhawmna rilru dik tak a keng tel a ni. He hmalakna buatsaih hi heng kawngpui siam tura kan inpekna a ni a, Gujarat chu khawvel pum huapa inelna nei thei leh mi zawng zawng huapzoa hmasawnna atana kan hnathawh a ni.”
