General Election to Village Council – 2025 lo awm tur atana Election bungrua hrang hrang leh ballot paper-te chu Sector Officer-te kaltlangin Returning Officer te’n an hman tur Pu Lalnunfela Chawngthu, Election Officer chuan a semchhuak.
Mamit District VC General Election atana Sector officer mi 27 te hnenah hian inthlanna muanawm leh felfai tak a awm theih nana tul hrang hrangte inhrilhhriatna neih leh a ni.Vawiin inthlanna a tana tul hrang hrang semchhuahna hunah hian Political Party hrang hrang aiawhte an tel a ni.
21st General Election to Village Council – 2025 12th February-a neih turah hian Mamit District chhunga Village Council 92 ah inthlanna neih tur niin, Voters hi 63610 an awm a. VC Seats General 310, Reserved 98 a vaiin seats 408 a awm a ni.
