Vawiin khan Mamit District Disaster Management Authority huaihawtin, Village Disaster Mangement Committee (VDMC) te tan chhiatrupna tawhpalh thulha chetlak dan tur leh inven lawk theihna hrang hrang inzirtirna DC Conference Hall-ah neih a ni a. Training hi Zone hrang hranga then niin District chhung Block hrang hrang Reiek, Zawlnuam, W. Phaileng leh Kawrtethawvengah te neih a ni bawk.
Pu Lalnunfela Chawngthu, SDO (S) chuan training hawnna thusawiin khawtina Disaster Management lama khawtlang hruaitute in pawimawh hle a a ni a tia. Pi Grace Lalremdiki Sailo, SDC chuan zirtirna pein, VDMC din dan tur chungchang leh kalhmangte, chhiatna lo thlen palha VC tin te inruahman lawkna an lo neih theihna tur VDMC plan siam dan chungchangah te a tarlang a ni.
He hunah hian VC aiawh pahnih theuh leh NGO atang mi pakhat an tel a, Dr. Lalrintluangi, District Hospital Mamit chuan Basic First Aid chungchangah zirtirna a nei bawk. District chhung hmundangah hian Pi Betty Lalrinfeli, BDO Reiek, Pu Moses Ramdinthara, BDO W. Phaileng, Pu KC Zalena, BDO Zawlnuam leh Pu Obed Lalmalsawma, BDO Kawrtethawveng te chuan zirtirna an pe bawk a ni.
