Mamit Excise & Narcotics department te chuan kumin chhungin ruihhlo kaihhnawih thubuai 308 ziaklut tawhin ruihhlo kaihhnawihah mi 236 an man tawh bawk a, nikum aiin kuminah ruihhlo kaihhnawih thubuai ziahluh leh mi man an tlem zawk. Kumin January ni 1 atanga vawiin ni thleng khan thubuai 308 ziahluh tawh niin ruihhlo kaihhnawihah mi 236 man tawh an ni a,hetih lai hian nikum khan ruihhlo kaihhnawih thubuai 392 ziahluh niin ruihhlo kaihhnawihah mi 365 man an ni thung.
Mamit Excise & Narcotics department te chuan kumin a ruihhlo kaihhnawih thubuai an ziahluh leh hemi kaihhnawih a mi an man tam ber te chu kum dang ang bawkin Zu kaihhnawih (MLP Act 2019) thubuaiah a ni a, MLP Act 2019 hnuaiah thubuai 268 ziaklutin mi 187 an man a ni.
Mamit Excise & Narcotics department te chuan kumin chhung hian Rakzu litres 2103, zubilh lai Tins 5336, Heroin grams 867.766 leh ruihtheih thil dangte an man bakah lirthei LMV 5 leh two wheeler 3 an man bawk a ni.
