Mamit-ah Good Governance Week 2024 Prashasan Gaon Ki Ore – kharna neih a ni

Vawiin khan DC Conference Hall, Mamit-ah Good Governance Week Prashasan Gaon Ki Ore hman mek kharna Pu K. Laltlawmlova, District Bawrhsap hova neih a ni.

Pu K.Laltlawmlova, District Bawrhsap chuan Sawrkar hna chu mipuite rawngbawlna a nih angin, mahni hna a rinawm, min dawrtu mipuite mamawh chhanna ni tura inpekna thar nena thawk tura chahin, mahni file chan theuhte hneh taka enkawla, lehkha lo lut reng reng a hun taka chinfel te chu Office hna kalah a pawimawh thu sawiin, Office atanga certificate/ lehkha chhuak tur reng rengte a dawng tur te’n a hun taka khawtlai lova an dawn vat te chu Good Governance Week kan hman mek hian a tum a nih anga kan hna theuha taimak chhuah lehzual turin kalkhawmte chah a ni.

Tarlan tawh angin Good Governance Week chhung (Dt. 19th – 24th December, 2024) sawrkar laipuiin a ruahman angin Mamit District chhunga RD Block-ah te pawh hman a ni a, hemi hun chhunga tihtur activity hrang hrangte pawh tha taka tihhlawhtlin a ni bawk.

Leave a Reply

Your email address will not be published. Required fields are marked *