Vawiin khan 4th IR Bn. Headquarters, Luangpawlah Disaster Management and Rehabilitation Department leh 4th IR Bn tang kawpin kar thum chhung awh, chhiatrupna a lo thlen thulh a chhanchhuahna hna thawh dan tur zirna State Disaster Response Force te tan buatsaih a ni a, Pu Lalnunfela Chawngthu, SDO (Sadar), Mamit District chu Khual lian niin he hun hi a hman pui.
Pu Lalnunfela Chawngthu chuan training a tel te chu chhiatrupna a lo thlen thulhah an thiamnate hmang tangkai a, tanpui ngaite tanpuitu ni thei tura theihtawp chhuah a training turin a chah.
He hun hi Pu Lalbiakfela, Deputy Director, DM&R chuan a kaihruai a, Pu Francis Lallawmkima, 2nd in Command, 4th IR Bn leh mipawimawh dangte pawhin an hmanpui a, Disaster Management & Rehabilitation Department, Mamit Fire Station, Aizawl District Quick Response Team leh National Disaster Response Force lam atanga mithiam te’n chhiatrupna a thlen thulh a chet lak dan tur, tuitla an awm a chhanchhuah dan turah te zirtir an pe a ni a. State Disaster Response Force training-ah hian 4th IR Bn atangin mi 31 te’n training an nei a ni.
