Vawiin khan Convention Centre leh DC Conference Hall-ah Kan hma lawka Lok Sabha Inthlanpui lo awm tur atana Lunglei District chhunga Expenditure Monitoring (EEM) Team hrang hrangte tan training buatsaih a ni a.Training-ah hian Lok Sabha Inthlanpui lo awm tura Expenditure kaihhnawih mawhphurhna hrang hrang chelhtu officials heng: Assistant Expenditure Observer te, Video Surveillance Team te, Video Viewing Team te, Flying Squad Team te leh Accounting Team te telin, an mawhphurhna hrang hrang leh IT Application-ah te zirtirna pek an ni. Lok Sabha inthlanna muanawm leh felfai tak neih a nih theih nan training hrang hrang hi ngawr taka Lunglei district-ah kalpui mek zel a ni.
Pu Lalrammuanpuia Pachuau, AAO, A&T, Southern Zone leh Pu Lalhmingmawia Renthlei, DRM NIC, Lunglei ten resource person niin training hi an pe a ni.
Vawiin vek khan, DC Conference Hall-ah Sector Officer leh Sector Magistrate te tan Training buatsaih a ni a, Pu Beithlotha Nohro, DTO &DLAO leh State Level Master Trainer ni bawk chuan training hi a pe a ni.
